2023 жылғы 6-14 қараша аралығында Семей қаласының 12 мектебінің 544 оқушысы «Мектептерге арналған  PISA»  халықаралық зерттеулеріне қатысып жатыр.  Мектептерге арналған PISA - бұл ЭЫДҰ әзірлеген, оқушылардың дағдыларын бағалауға және мектеп/колледж әкімшілігіне 15 жастағы оқушылардың сыни ойлауын, өз білімін жаңа мәнмәтіндерде іскерлікпен қолдана алуын түсініп талдауға көмектесетін бағдарлама. Бағалау бағыты: Оқу, математика, жаратылыстану.

Зерттеуге қатысушылар:15,3-тен 16,2-ге дейінгі жас аралығындағы оқушылар.

• Мектептерге арналған PISA зерттеуі оқушылардың халықаралық деңгейде салыстырылатын үлгеріміне, оқуға деген көзқарасына және оқу ортасы туралы ақпаратқа қол жеткізуге мүмкіндік береді.
• Ол оқушылардың табысты әрі қарай білім алуы және еңбек нарығына шығуы үшін қажетті білімдерін, дағдыларын және құзыреттерін өлшейді.
• Мектеп климаты, оқушылардың әлеуметтік-экономикалық жағдайы және олардың оқуға деген мотивациясы және басқа да көптеген факторлар туралы маңызды ақпаратты қамтамасыз ету.
• Мектеп нәтижелері ұлттық нәтижелермен және PISA зерттеуіне қатысатын басқа елдердің нәтижелерімен салыстырылады.
• Зерттеуге қатысушы мектептер оқушылардың функционалдық сауаттылығын арттыруға бағытталған әдістемелік материалдар мен қатысушы елдер мектептерінің тәжірибесі жарияланған жоба қатысушыларының жаһандық платформасына қол жеткізе алады.