Маусым айының 17-25 аралығында Қарағанды облысының «Спасск» оқу-жаттығу ор­та­лығы полигонында Балалар жылы және Қарулы Күштердің құрылғаның 30 жыл­ды­ғына арналған 8-республика­лық «Айбын» әс­ке­ри - пат­ри­от­тық жастар жи­ыны өтті. Би­ылғы жылы жиында 600-ден аса қатысушы бақсынауда. Олар­дың қатарында респуб­ли­ка өңірлеріндегі әскери-пат­ри­оттық клубтардың тә­р­би­е­­ле­нушілері, Астана, Шым­кент, Алматы, Қарағанды қа­ла­ларындағы «Жасұлан» рес­­пуб­л­икалық әскери мек­теп­те­рінің, Пав­ло­дар қаласындағы әскери мек­теп-интернатының, Се­мей қа­ла­сындағы ма­ман­дан­ды­рыл­ған «Жасұлан» ер балалар мек­­тебінің тәрбиеленушілері  бар.

Жиын бағ­да­р­ла­масы «Айбын дарыны» интеллек­ту­ал­ды ойыны, «Айбын жұлдызы», «Жас тілші»-Жас сарбаз конкурсы, «Смарт сарбаз» ро­бо­техникалық конкурсы, пнев­­матикалық винтовкадан атыс, белтемірге тартылу, шалқадан жатып кеудені көтеру, қорғаныш костюмін кию, автоматты жинақтау мен бөлшектеу әскерилендірілген эстафета ойындарын қам­т­ыған. Жиын барысында балалар бі­регей дайындық мектебінен өтіп, қазақстандық армияның за­манауи техникасы мен қару-жарағын тамашалап, өздерінің күштері мен мүмкіндіктерін сынап көрсетті. Сондай-ақ, тәжірибе жинақтап, жаңа достар тапты. Биылғы жарыс табысты, дода қызу әрі тартысты өтті. Соның  нәтижесінде Семей қаласының «Абай қырандары» әскери –спорттық, патриоттық клубы   жалпыкомандалық  бесінші орынды жеңіп  алды. Жеңімпаз командалар дипломдармен  және  бағалы  сыйлықтармен  марапатталды.    «Смарт сарбаз» ро­бо­техникалық конкурсы -3 орын, Қыздар арасында  шалқадан жатып кеудені  көтеру  сайысында «Абай қырандары» әскери патриоттық клубының тәрбиеленушісі Дружинина Ангелина - 1 орынды иеленді. Күш-жігерлерін тасып, абыройларын арта берсін, айбындықтар!