Семей қ.,
Қайым Мұхамедханов көшесі, 8
8 (7222) 52-48-27
«Елбасы Медалі»- жастарды кешенді дамытуға бағытталған ұлттық деңгейдегі жалғыз бағдарлама
13-10-2021 17:38
«Елбасы Медалі»- жастарды кешенді дамытуға бағытталған ұлттық деңгейдегі жалғыз бағдарлама

2019 жылы ҚР Тұңғыш Президенті - Елбасы белсенді және талантты жастарды қолдау бойынша  «ЕЛ үміті» жалпыұлттық саясатын ұсынды. Бұл бастама аясында  ҚР Тұңғыш Президенті- Елбасы қоры дарынды балаларды анықтайтын «Қабілет», «Елбасы медалі» сынды бірнеше бірегей жоба қолға алынды. «Елбасы медалі» бағдарламасына қатысу тәртібі Үкімет қаулысымен бекітілген.

Байқауға қатысушылар жасы 14 пен 29 жас аралығында болу - бағдарламаның негізгі шарты. «Елбасы медалін» мақсатына ұмтылған әрбір қазақстандық жас буын иелене алады. Бағдарлама 7 негізгі бағыттан тұрады – спорт және дене шынықтыру, дарын мен дағды, кітап оқу, ұлттық мұра, еріктілік, экспедициялар мен жорықтар, еңбек практикасы.Қатысушылар үш деңгейдің бірін таңдауға тиіс. «Алтын» деңгейдің ұзақтығы 18 айға дейін және ол 16 жастан жоғары жастарға арналған. «Күміс» деңгейдің ұзақтығы – 12 ай, жас шектеуі 15 жастан жоғары, ал «Қола» деңгей 6 айға жалғасады және ол 14 жастан жоғары қатысушыларға арналған.

2021 жылдың қазан айының 13-і күні Семей қаласының мектеп оқушыларына «Қола» деңгейдегі «Елбасы медалін» тапсыру салтанаты өтті. Семей қаласы Әкімінің орынбасары А.Садырбаев білім бөлімі бойынша басшының орынбасары м.а. Б. Булабаев салтанатты жағыдайда 10 мектептің 36 оқушысына «Елбасы медалін»тапсырды.

Дарынды оқушылардың  жеңістеріне , олардың  ұстаздары мен ата-аналарына  аса риза көңілмен  құттықтаймыз.

Қаламыздың дарынды оқушыларының жетістігі мен табысы Қазақстанның дамуына өз үлестерін қосып, берекелі бірлікті паш етіп, ел Туын көкке көтере берсін.